Îra letra

Dòna Îra, äl pió däl vôlt, l'é grénza d pèl,
tanti vôlt la n stà pió in pî tant l'é patêrna,
l'à spass dl'alteraziån int al zarvèl,
ch'la và pó in zairca d guâi con la lantêrna.
L'à in bisâca la pistålla, o l'à l curtèl,
ai piès al bgóll, al zûg e la tavêrna,
e s la farêv da Cajén con sô fradèl,
in dóvv raggna al delétt lî la s intêrna.
L'à i ûc' fòra dla tèsta ch'la fà pòra,
la râbia a la turmänta ed dé e d sîra,
l'é incujêta, l'é susptåu§a, l'é cunfûsa,
la tramma dal convûls ch'al pèr ch'la môra.
L'à sänper al dièvl adòs ch'al la turmänta,
L'é bigliåusa con tótt, l'é preputänta,
Es l'à una fâza acsé brótta ch'la spavänta,
E quand la n s pôl sfughèr, ch'l'èva una lît,
S'la z ûra a un quelcdón, la s môsga un dîd!
E quand la n s pôl sfughèr, ch'l'èva una lît,
S'la z ûra a un quelcdón, la s mósga un dîd!
L'à i ûc' fòra dla tèsta ch'la fà pòra,
la râbia a la turmänta ed dé e d sîra,
l'é incujêta, l'é susptåusa, l'é cunfûsa,
la tramma dal convûls ch'al pèr ch'la môra.
La vendatta l'é sänper la sô mîra.

Malnatt - Letras

• 1097-2001
• Atto II - L'aula degli uccisi
• Atto III - I Sogni di Balder
• Atto IV - Il Fato degli Dči
• Camicia Nera
• Deus Vult!
• Il Canto del Demonio
• Îra
• La Vanpîra
• Misęria
• Per la Nazione
• Pezzo di Metal